Vojvoda Hrvoje, Zadrani, Kosovo polje kod Knina, 1401.g.

Naj Blog

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Hrvoje Vukčić Hrvatinić

19. Na Kosovu polju kod Knina, oko 15. lipnja 1401.

Nos Hervoye supremus voyvoda regni Bosnae ac vicarius generalis principum serenissimorum (regum), regis Vladislavi et regis ostoye, memoriae commendamus et significamus quibus expedit universis,quod nos non vi, dolo, metu vel alio aliquo ingenio ducti, sed nostra propria voluntate et arbitrio coacti, egregios rectores, nobiles, consilium et commune civitatis Iadrae per fratres nostros speciales recepimus et assumpsimus, promittendo et obligando fide nostra militari mediante , praefatos rectores et nobiles de eadem civitate totis viribus nostris, omnibus locis et temporibus opportunis, contra et adversus quoslibet praedictos nobiles molestari iuste vel iniuste volentes, non parcendo personae nostrae et nostrorum servitorum neque bonis, adiuvabimus, et toto nostro posse defendere obligamus; et quod nunquam temporis in processu per nos neque per alios quospiam praefatos rectores, nobiles et commune praedictae civitatis et sic praesentes privilegiales literas tueri volemus: si predicti rectores et nobiles elevabunt vexillum serenissimi regis Ladislavi. Et si elevaverint praefatum vexillum iurando super sanctam crucem et reliquias ad fidelitatem Vladislavi, et non deponere praefatum vexillum usque mortem nos promittimus cum praefata fide nostra militari, quod serenissimus noster rex Ostoya Bosnae vult iurare super sanctam crucem et reliquias, quod nonquam in vita sua (praesidio relinqueret) praedictos nobiles et civitatem Iadrensem. Nec nos Hervoye cum consorte nostra, cum filio nostro unico, fratribus et familiaribus nostris, videlicet cum Draghisca fratre nostro (et) Voyslavo, (item cum) Voyaco, Petro voyvoda, et Tuertco, et fratre suo Voyco, et cum aliis familiaribus nostris, vobis placidis iurare volumus super sanctam crucem et reliquias praedictas, nobiles universos de praedicta civitate viribus nostris semper cum potentia (dicti) domini Hungariae regis contra ipsorum aemulos semper iuvare volumus usque mortem nostram, non dimittendo, sed semper prompte et parate vos praedictos nobiles defender et vendicare contra omnes homines. Immo volumus praefatis nobilibus assignare privilegia domini nostri regis et nostra sub pendenti sigillo in eius rei testimonium. Datum in campo (Kossowa prope castrum Teninii)...,anno domini 1401.

Ovaj dokument je objavljen u ŠIŠIĆ F., Nekoliko isprava iz početka 15. st. , isprava 19. Starine JAZU/HAZU, 39, 1938.